Pages

「婆媳問題」壓力爆煲,搵完鄭法新師傅進行法事一身鬆。


以下是善信Polly的來信︰

未嫁之前,我媽成日話小心D「婆媳關係」,話好煩好惡搞,最好婚後有能力自己搬出黎住,咪同奶奶住埋一齊。但老公係獨子,加上我地兩個都係打工,家庭背景都係住公屋,香港地有幾多個八十後靠打工月入萬幾蚊,咁易買到樓咩?逼於無奈,婚後只好同老爺奶奶住埋一齊囉。

我係一個物流既倉務文員,我老公阿輝係做展覽搭建攤位的,每日加班香港地算是常識吧!放工一過7點未返到屋企就比奶奶質問點解唔早D走,做得人妻預左要放棄事業,相夫教子喎~
傻的嗎?咪玩啦!手停口停呀,老細!一個月寛頻、電話費、伙食、交通、保險、基金,家用,仲有想儲少少錢,有機會二人世界出街食下飯、睇下戲、去下旅行,樣樣都係錢呀!月頭問拎家用就嫌少,婆家一份、娘家一份,一到月尾就提足7日,日日打公司枱頭電話搵我,驚死我走佢數!仲惡過賭場借貴利!

咁都算啦,返到去食完飯奉旨我洗碗、抺地、洗衫、掠衫,佢(奶奶)就坐係廳,霸住部電腦嘻嘻哈哈係度煲韓劇煲電話粥,將一整日既家務留俾我做!大嬸呀!你個仔搵老婆唔係搵賓妹呀!下下當我Mary咁洗,我都係人黎架!最項癮係我做完家務,想用返我自己部電腦上下網就話佢煲劇ing...激死!

同我老公呻,我老公唔會同佢媽咪嘈;
同我媽呻,我媽叫我忍下,畢竟個老公係自己揀既,嫁雞隨雞,要我努力去學習長大喎。
咪玩啦!人生流流長,點算喎?
之後有次我公司lunch time上網喎,見到妙玄居鄭師傅既資料,咪走去後樓梯(人少D嘛)打電話比鄭師傅問下有無計幫到我囉!

同師傅傾左好耐,由放lunch講到完lunch,師傅建議我做「婆媳和合」&「催貴人」法事,
唔係師傅講,我都唔知原來和合都有好多種,男女和合係一種啦,仲有父子、朋友、兄弟姊妹等等,我收左線都覺得自己好彩楊千嬅上身,心口一個勇字就打去問,同埋鄭師傅真係解釋左我心中好多有關和合同催貴人既互動關係。

鄭師傅仲係一個好爽快既人,佢見我同時confirm「婆媳和合」同「催貴人」兩個法事,仲送左個小形「昇運」法事比我。(果時我唔明點解,但之後發生左D野,令我明白點解鄭師傅咁做,真係「估你唔到」,比個讚Like你!

做完法事大約一星期到啦,阿輝忙完9月珠寶展開幕standby,終於可以早返屋企食飯,食完飯,老爺突然建議不如屋企請返個賓賓,話減輕下奶奶同我既家務負擔喎!平時唔多出聲既老公竟然搭嗲同奶奶講:「係啦,我成日set場零晨先返,有時我都想食消夜,老婆第朝又返早喎,叫賓妹煮個麵就最好啦!仲有呀媽!再唔養肥D佢(果時指住我),你想抱孫都難!」就係咁,屋企就請左個賓賓專服待奶奶同做家務!自從賓賓黎左之後,奶奶既罵人注意力極速轉移去賓賓度,婆媳問題自然K.O.無問題!!!

通常9月珠忙完,阿輝公司都會有慶工宴,通常D大老闆都會訂十幾圍、買D相機、iPad啊果D抽獎,阿輝每年都帶埋我去,年年我都對抽獎果D無望,抽獎用果張紙仔都係求其潦個名落去,點知今年比我抽到部iPad,果然運氣好,乜都順心!屋企部電腦豪比奶奶煲劇啦!我上網有iPad基本上都夠用lu,仲可以走入房嘆住冷氣玩添!不知幾爽,唔洗係廳比人偷望!爽爆!