Pages

多謝美夏師傅為我作「御祈禱」 不足六小時順利產下8磅B囡




大家好!我係新手媽媽,今年1月生左一個8磅既BB囡,託賴BB身體健康、乖巧伶俐、有父母長輩緣!

係度我想多謝鄭法新師傅及美夏師傅。因為由我懷孕到生,兩位師傅都俾左好多意見我,幫我解決左唔少憂慮。

第一,懷孕初期,胎未穩出現流啡症狀,鄭師傅給我條安胎符好洗得!帶身之後就無再流;
第二,孕期中段,入院兩次,一次係廁所沖涼跌親入醫院;另一次係我老公去完佢嬸嬸葬禮當晚,晚上瞓緊覺無端端肚痛,老公話入院檢查下穩陣D,我就再去醫院度假!好記得果日係醫院驚到立即搵鄭師傅救命。師傅話道家好少建議大肚婆做法事,就介紹左美夏師傅俾我識!當時立即搵左美夏師傅同我做安產既御祈禱。住左兩晚醫院,姑娘抽左好多支血都驗唔到有野,第三日俾我番屋企調養。
第三,懷孕快30周,個肚大到不得了,老公同我去日本輕鬆玩,順便去西松屋、アカチャンホンポつくば店果D入定BB野,鄭師傅建議不如去探下美夏師傅,咁我地就去左,再做多次安產&子宝御祈禱,祈求BB順利出世之餘,BB又可以得到神賜予的福氣。
(P.S.我仲飲左美人水,祈求BB囡同自己都可以再變靚D,哈哈。)

時間好快就到預產期,我仲同鄭師傅吹水講,我希望BB順產,又希望BB係個天生五行不缺既人,起碼大個唔洗為五行補乜補乜煩惱。點知第日瞓醒就肚痛入醫院啦!
入到婦產科,姑娘叫我換衫上床檢查開左幾多度,一睇就話我開到5度,叫我又換衫,另叫人推我去產房;入到去上左張產床,助產士話通常一個鐘開多一度,開到10度先生得,叫我等陣等醫生黎睇下,我睇住產房個鐘,心諗:仲有咁耐?過左無半個鐘,醫生、助產士入黎再睇,話我開得比預期快好多,應該一、兩個鐘內生得。吸多幾次笑氣,助產士就叫我老公入黎睇生,吸氣呼氣又用下力咁,生B果下好似痾大大咁既感覺,生左個頭之後,助產士轉轉個B身,剪會陰,我又用多幾次力好易就生左出黎。第一眼望見自己個囡,心諗成舊飯咁既?但開心既,我即刻望下個鐘,記住果陣幾點。

忙左一日,好攰。叫老公幫我問鄭師傅check下個時間,師傅答我們BB五行不缺,真係好開心!鄭師傅仲應承幫BB改名,真係太太太好了!