Pages

澳門賭錢凶時2000變200,吉時返本大殺四方。


以下是弟子Kakey 在facebook貼的文章︰

早幾日,師傅問我去唔去澳門,因為有幾個師兄師姐都話想去試下條五鬼運財賭傅符,咁啱星期六,借用笨雞師姐果句:「我又去!」咪又跟埋上船囉!去之前,師傅點好人數,幫我地每人整左條五鬼運財賭傅符,喂!堅係符面有落我地每個人個名架喎,一套兩款,一條帶身一條有"特別用途"!仲有師傅去之前有交帶每個人根據我地五行定八字,我唔記得啦,總之就金木水火土果D啦,(師傅,我認我笨,我唔記得係乜)夾好左方位同時辰去玩啦,我同笨雞師姐去玩老虎機,我唔信邪,入到去見未到我既時間,又悶咪玩下囉,結果輸左2千幾蚊,身上剩低2佰幾咁啦,人都灰,諗住唔玩啦,到夾我既時間,師傅經過問我點解唔玩,我就講佢知我之前輸剩少少錢,鄭老人家係度偷笑,叫我揀好方位,用果2佰幾再玩下,點知,我係神獸果部老虎機用每舖HKD$12.5按左2舖就"機會"!連中2個JACKPOT,之後笨雞師姐走過黎,叫我拎隻豼貅出黎,狂念佢果條秘密招財咒,真係路姆西!神獸機入面,先中左2次白虎,2次玄武,3次朱雀,再俾我中左2次累積獎金,當中,1次係小獎,1次係中獎;之後又引用笨雞師姐絕技"割禾青"走人,1個鐘多D已經唔再玩,贏返本同夠我聖誕節換個CHANEL銀包就大滿足啦!

師傅,我1月同男朋友再去澳門玩呀!可唔可以幫我整條五鬼運財賭傅符俾我發下新年財呢?最多我今次燒條符果陣快手D,唔會燒唔晒就扔落地,PLEASE~